Skuleelevar frå skogsfylka på Austlandet er spesielt inviterte til UMB for eit skreddarsytt opplegg.
I SKOGEN: Det finnst eit vell av utdanningsmugleigheiter innan skogfag ved UMB.
Foto: Håkon Sparre
Nysgjerrige skuleklasser er alltid varmt velkomne til ei gjesting på Universitetet for miljø- og biovitskap (UMB). Universitet har ein eiga Skuleteneste som koordinerar slike opplegg.
Vårens tema – Vi tilbyr ein full dag med fagleg opplegg tilpassa fag, klassetrinn og læreplanmål. Vi er sjølvsagt fleksible dersom de har spesielle behov, seier Johan Berlin i Skuletenesta.
Vårens tema er skog, natur og miljø, og i samarbeid med Institutt for naturforvaltning (INA), ønskjer Skuletenesta i det sambandet å rette ein spesiell invitasjon til ungdom frå stader med lang tradisjon for skogbruk.
Alle vidaregåande skuler i Telemark, Buskerud, Oppland og Hedmark har fått kvar sin invitasjon til å verte med på eit opplegg med UMB og Skognæringa.
Gratis skyss Opplegget kan foregå på universitetet, på skulane eller ute i ein lokal bedrift. Skoglauget står for skyssen.
– Utdanning i Skogfag gir god framtidsutsikt. I næring og forvaltning er det stort behov for kompetent arbeidskraft, og Skogfag gir historisk sett gode jobbmuligheiter for nyutdanna kandidatar i Skogfag frå UMB, seier instituttleiar Hans Fredrik Hoen ved INA.
Forslag til foredrag og aktivitetar: • Kartlegging av skog med laser – UMB i samarbeid med NASA • Skogen si rolle i klimasamanheng • Styrkjetesting av trevirke i laboratorium • Kva for ein slags skog vil folk ha? • Bioenergi • Insekta si vedunderlege verd: forelsning og forsøk i laboratorium • Fungi Horror Show - Sopp, hus og trevirke • Presentasjon av det skandinaviske bjørneprosjektet • Førebyggjande rovvilttiltak: erfaringar frå Sverige • Rovfuglane våre: UMB si forsking og videoopptak frå reir • Elgen: biologi og beite
Døme på opplegg av dagen ved UMB: • Velkomen til UMB: presentasjon av UMB og studietilbodet til universitetet • Vald foredrag/aktivitet I • Omvisning på campus • Lunsj ved eit av kantinene til universitetet • Vald foredrag/aktivitet II • Vald foredrag/aktivitet III
Programmet må tilpassast dato og tidspunkt, og vi tek atterhald om at aktuelle foredragshaldarar er tilgjengelege.
For å endre størrelsen på tekst: hold inne [ctrl] knappen og trykk pluss eller minus. [ctrl] og 0 tilbakestiller til utgangspunktet.
For å skjule denne infoen, klikk her i det blå feltet
