Landskapsarkitektur i støtet

Knut Werner Alsen

Noregs landbrukshøgskole (NLH) skal saman med vel 80 europeiske universitet vera ein spydspiss inn i det 21.hundreår. Med 1,1 mill EURO (ca.8,3 mill.nok) frå EU skal eit akademisk nettverk i Europa utvikla undervisinga i landskapsarkitektur.

Målet er å få til eit kvantesprang i kvalitet og intensitet i samarbeidet mellom europeiske akademiske institusjonar innan landskapsundervising - og forsking i løpet av det triårige prosjektet. På same tid skal ein gjennom prosjektet utbetra kommunikasjonen med profesjonsgrupper, offentleg forvalting og nabodisiplinar på eit europeisk nivå. Nettverket LE:NOTRE starta i 2002 og går fram til 2005. Satsinga vert finansiert av ERASMUS/SOKRATES-programmet.

LE:NOTRE nettverket prioriterer tema som bevaring og utvikling av historiske hagar og landskap, konsekvensanalysar, landskapsplanlegging og design både på landsbygda og i byen. Ein vil òg sjå på informasjon og informasjonsteknologi, og ikkje minst synleggjera kor viktig det er med profesjonell praksis i utdanninga av landskapsarkitektar.
LE:NOTRE vert styrt frå Wien med hjelp frå ei internasjonal styringsgruppe av lærarar og forskarar frå heile Europa, inkludert både noverande og framtidige EU-medlemar.

Professor Karsten Jørgensen ved Institutt for landskapsplanlegging, NLH, epost: karsten.jorgensen@umb.no er kontaktperson. Jørgensen sitter i styret i ECLAS (European Council of Landscape Architecture Scools/Det europeiske råd for landskapsarkitekturskoler og i LE:NOTREs styringsgruppe.

Oppdatert: 05.12.02
Utskriftsvennlig versjon

Del med en venn:

Universitetet for miljø- og biovitenskap (UMB)

[Besøksadresser] [Kontakt UMB] [Oversiktskart] [Ansvarlig redaktør]