Næringslivet fylgjer med når universitetsmeisterskapet i nyskaping går av stabelen 9. og 10. februar ved UMB. Finst det nokon nytenkarar bland UMB-studentene?
PLAKAT: Slik profilerer UMB meisterskapet.
Foto:
UMB Meisterskap i skaping er ein todagar lang treningsleir i kreativitet der studentane som deltek knivar om å lage den beste løysinga på ei høgst reell problemstilling for ein gjeve oppdragsgjevar.
Elin Kubberød
Foto: UMB
Dette er fyrste gong UMB, i samband med Ungt Entreprenørskap Akershus, arrangerer ei slik «Gründercamp» for sine studentar.
Gruppearbeid Deltakarane jobbar saman i grupper på fire stykk. Kvar gruppe får eit oppdrag som dei må freista å presentere ei løysning på innan ei viss tidsfrist. Oppdraget vert gjeven av næringslivet i Follo.
Floge på veggen Oppdraget skal presenterast for ein jury beståande av ressurspersonar frå UMB og næringslivsleiarar. Deltakarane på vinnarlaget mottek 5000 kroner og får varte floge på veggen hjå kvar sin toppleiar gjennom ein heil dag. Det vert også pengepremiar på andre- og tredjeplass.
Tevlinga strekk seg over to dagar, og foregår hovudsakeleg i grupperomma i Økonomibygningen, der rådgjevarar frå næringslivet og universitetet står til disposisjon. Det vert også aktuelle føredrag.
– Viktig arena – Dette er ei viktig arena for samarbeid og et møtepunkt mellom studentar og framtidige arbeidsgjevarar i næringslivet. For UMB sin del handlar det også om å bygge vår rolle som kompetanseleverandør til næringslivet, seier Kubberød.
I tillegg til den tematiske problemstillinga får studentane verdifull praksis når det kjem til å nytte kreativitet for å løyse eit tverrfagleg oppdrag.
Meld deg på Påmelding skjer via e-post til guro@ue.no før 5. februar. Ein kan melda seg på aleine eller som eit lag.
–Vi oppfordar studantene til å melde seg på enkeltvis eller som gruppe, og håper alle dei lag og foreningar som er å finne på campus har lyst til å konkurrere, seier Kubberød.
Alle studentane ved Universitetet for miljø- og biovitskap (UMB) er i målgruppa. Oppmøte i Festsalen i Urbygninga klokka 09, 9. februar. Det vert opning av rektor Knut Hove og gratis lønsj tysdag.
Sjå UE sin promoteringsvideo frå den nasjonale tevlinga i 2009 på YouTube.
