UMB inviterer skuleelevar til ein spanande dag som kriminalteknikar ved Det levende universitet på Ås.
Det er ekte vare som skal håndteres og hansker må til.
Foto: Håkon Sparre
Det finst ei rekke med opplegg for skuleelver som vil vitje Universitetet for miljø- og biovitskap (UMB). Universitet har ein eiga Skuleteneste som koordinerer slike opplegg.
Det mest populære tilbodet er utan tvil Krimgåta. Her deltek heile klassen i eit rollespel på eit av universitetet sine biologilaboratorium.
Laboratorium Elevane får på seg kvite labfrakkar og hamnar midt oppi ei drapsetterforsking. Dei får fyrst ein rask orientering om kva som har skjedd: kven som er drepen, dei mistenkte og forholda rundt drapet, så får elevane gyve laus på bevismaterialet for å freista finne mordaren.
Blodig bevismateriale studeres
Foto: Håkon Sparre
Ein god historie, truverdig staffasje og utfordrande øvingar saman med dyktige PPU-studentar forkledt som kriminalteknikarar, gjør Krimgåta til ei minneverdig oppleving ved sidan av å ha eit tydeleg pedagogisk tilsnitt. DNA-spor Elevane får ei innføring i rettsmedisinsk vitskap, og får bland anna prøve seg på automatpipettering og kjøring av gel-elektroforese for å analysere bevismateriale og finne DNA-spor.
Elevane førebur seg på skulen i forkant, og skal også utarbeide ein labrapport i etterkant.
Kriminalgåta gjeld som ein av dei tre påkravde labøvingane i Biologi 2.
De mistenkte studeres med skrekkblandet fryd
Foto: Håkon Sparre
– Tilbyr noko meir – Vi er glade for å få koma hit. Elevane har de gøy medan dei gjør avanserte øvingar, og det gir dei erfaring med arbeid i eit ekte laboratorium, med langt meir avansert utstyr og ressursar enn skulen kan tilby i den vanlege undervisninga, seier faglærer Siv Paus Brovold ved Frogn vidaregåande skule i samband med at hennar klasse vitja UMB og deltok i Krimgåta i mars.
Motiverte elevar – Ja, dette var eit bra opplegg. Eg vart mykje meir motivert for å lære her enn i klasserommet, seier skuleelev Louis Wibe (18), som allereie har ført opp UMB på lista over aktuelle studiestader når han er ferdig på Frogn.
Oda Härter (V) og Louis Wibe (H)
Foto: Håkon Sparre
Medelev Oda Härter (19) er einig og skyt inn:
– På skulelaboratoriet er det gjerne berre ein plante som står og driv med noko som vi må sjå på, og det er vanskelig å tru at ein kan få særleg bruk for biologi utafor skulen. No fekk vi erfare at det kan være helt avgjørande, seier ho.
