Bjørg Lirhus Ree gjekk ut med master i Miljø og naturressursar våren 2005. Ho har også si bachelorgrad i Miljø og naturressursar frå UMB.
Ho seier følgjande om jobben:
” Eg jobbar i dag som felthydrolog i seksjon for hydrometeri på Hydrologisk avdeling i Norges vassdrags- og
Bjørg Lirhus Ree
energiverk(NVE). Kontorplassen min har eg på regionkontoret i Førde. Seksjonen min består av ca 30 personar som skaffar data om landets vassressursar gjennom kontinuerleg måling, registrering og feltarbeid. Det er ca 600 målestasjonar fordelt i vassdrag over heile landet som kontinuerleg registrerar avløpsdata, magasindata, grunn og markvatn, snøhydrologi og urbanavrenning.
Jobben er perfekt med ei god blanding av feltarbeid og kontorarbeid. Feltarbeidet består av vedlikehald av stasjonsnett og utføring vassføringsmålingar ved avløpsstasjonane. Eg har feltområde på Nordvestlandet, og har også eit spesielt ansvar for drift av snøputestasjonar. Når eg sit på kontoret jobbar eg hovudsakeleg med mottak og kvalitetssikring av innsamla data. Data som me samlar inn dannar grunnlag for bl.a. flomvarsling, kraftprognosar, utredning av kraftkonsesjonar og kraftverksberekning, miljøoverforvåking, klimaforskning osv.
Master i natur og miljøressursar gav meg ei brei utdanning som gjer at eg har stor kunnskap om prosessar i jord og vatn. Denne forståinga av vatnet sitt kretsløp er veldig nyttig basiskunnkap for jobben, spisskompetansen som krevst i jobben fekk eg etter at eg byrja å jobba som felthydrolog. Mange av mine kollegaer har utdanning frå UMB.
Etter agronomutdanning og påbyggingskurs ved Voss Jordbruksskule var eg klar for studielivet. Eg byrja ved UMB fordi eg hadde lyst til å studera biologi og husdyrfag. Etter kvart fann eg ut at det var andre fagområde som var meir interessante og gav mange fleire spennande jobbmoglegheiter. Dette gjorde at eg hovudsakeleg tok geofag, og enda opp med master i Miljø- og naturressursar. Dette er eg svært glad for i dag!
Sett saman ei utdanning med fag du synes er spennande, har inspirerande forelesarar og som gjev ein fornuftig kunnskapsplattform i forhold til det fagfeltet du ynskjer å jobba innan! Nyt studietida. Ås har eit fantastisk studentmiljø og mange ulike lag og foreiningar som krydrar studietida! Gjennom eit aktivt studentliv får ein masse gode venner for livet.”
