Kurs i stadbasert entreprenørskap og læring, 15 stp

Randi Setrom Brunborg

Invitasjon til regionalt pilotkurs i 2012. Samarbeid mellom Seksjon for læring og lærarutdanning ved UMB, Ressurssenteret ved Sogn Jord- og hagebrukskule - med bidrag frå Aurland Naturverkstad.

Hausten 2011 er det utvikla eit pilotkurs med regionalt fokus på stadbasert entreprenørskap og læring (SEL).Kurset blir tilbydd som eit pilotkurs for maksimalt 24 deltakarar i denne regionen i 2012. Seinare kurs blir retta mot regionar/kommunar med vekst/verneproblematikk som ynskjer å utvikle sin eigen utdannings- og utviklingsarena for ’stadbasert læring og stadutvikling’

Målgruppe
Pilotkurset rettar seg mot bønder, naturbruksbedrifter og sentrale aktørar innan oppvekst, helse og omsorg, Nav, planlegging og kommunal forvalting i kommunane innafor Nærøyfjorden Verdsarvpark (Aurland, Lærdal, Voss, Vik) med interesse for utvikling og kunnskapsbygging knytt til stadbasert entreprenørskap og læring i regionen.

Kursmål
Målet med kurset er å identifisere og gjennomføre aktuelle utviklingsprosjekt og identifisere utviklingsprinsipp og arbeidsmåtar for stadbasert entreprenørskap og læring regionalt.

Fagleg innhald
Stadbasert entreprenørskap: metodar for kartlegging av staden sin eigenart og ressursar, berekraftig og brei verdiskaping, sosialt entreprenørskap, forteljing som verktøy i stadutvikling. Stadbasert læring: autentiske læringsarenaer og læringsanalyse, handverksbasert terapeutisk utdanning, stadbaserte læreplanar, rom for samarbeidslæring, personlig resultatvurdering, kvalitetssikring av tilbod. Sosial økologi: lokal medverknad og uttrykksformer, landskapskonvensjonen, regionale utviklingsprinsipp og arbeidsmåtar, område-basert lokalforvaltning.

Eksamen
Eksamen er frivillig og fylgjer UMBs reglar, og gjennomførast som dokumentasjon av eit sjølstendig prosjekt knytt til eige utviklings-arbeid. For å gå opp til eksamen, krevjast generell studiekompetanse (må dokumentast ved påmelding). Er du immatrikulert ved NLH/ UMB seinare enn 1990, treng du ikkje vedleggje dokumentasjon.

Om du manglar generell studiekompetanse, kan du søkje om opptak på grunnlag av realkompetanse. Søknadsskjema finn du på www.umb.no/sevu (til høyre på siden finne du ein link til Realkompetanse), eller du kan ta kontakt med SEVU på tlf 64 96 50 05.

Dei som gjennomførar kurset utan å avleggje eksamen, vil få utstedt eit kursbevis.

Kursets varigheit
Pilotkurset består av 3 samlingar i 2012, med påfylgjande ferdigstilling og innlevering av eigne utviklingsprosjekt.

1. samling: 13. – 15. april, Fresvik
2. samling: 7. – 9. september, Lærdal
3. samling: 9. - 11. november, Aurland

Kursavgift
Heile kursavgifta vert dekka av Kompetanseutviklingsmidlar i Landbruket (KIL).
Deltakaravgift er kr 6000,- per person som dekker kost og opphald på dei tre samlingane.

Påmelding er bindande. Avmelding etter påmeldingsfristen vert belasta med ein avgift på kr 2 500,- og ved manglande frammøte med full avgift.

Praktisk informasjon om kurset
Jorun Barane, Ressurssenteret SJH
telefon 57 63 26 50

Universitetet for miljø- og biovitenskap
Senter for etter- og videreutdanning
Boks 5003, 1432 Ås
telefon 64 96 50 05
faks 64 96 60 22 sevu@umb.no
www.umb.no/skole

Faglege spørsmål kan rettast til
Aksel Hugo
Seksjon for læring og lærarutdanning, UMB

telefon 64 96 54 25

Oppdatert: 12.03.12
Utskriftsvennlig versjon

Del med en venn:

Se hele kurstilbudet
----

Senter for etter- og videreutdanning (SEVU)
Boks 5003, 1432 Ås
Tlf 64 96 50 05, faks 64 96 60 22
E-post: sevu@umb.no

Web-ansvarlig: Randi Setrom Brunborg

Relasjoner til saken

Tid og stad
1. samling:
13. – 15. april, Fresvik

2. samling:
7. – 9. september, Lærdal

3. samling:
9. - 11. november, Aurland

Deltakaravgift
kr 6000

Kursbrosjyre

---

• Generell studiekompetanse
• Realkompetanse

---