Stillingsanalyse

SiT

Plukk stillingsannonsen frå kvarandre! Når du skal analysere jobben er det viktig at du tar utgangspunkt i det som står i annonsen.

Du bør plukke stillingsannonsen frå kvarandre og dele den inn i arbeidsoppgåver, må-krav og bør-krav.

Arbeidsoppgåver:
Arbeidsoppgåvene som er knytta til stillingen skriv du inn i feltet for arbeidsoppgåver.
Må-krav: Her skriv du inn det som arbeidsgjevar ser som nødvendige kvalifikasjonar og eigenskapar for stillingen.
Bør-krav: Her skriv du inn det som arbeidsgjevar ser som ynskjelege kvalifikasjonar og eigenskapar for stillingen.
Dine kvalifikasjonar og vurderingar av jobben:
Etter at du har skrevet ned arbeidsoppgåvene og ulike krav og ynskjer frå arbeidsgjevar, skal du vurdere om jobben er noko for deg. Først vurderar du positive og negative sider ved jobben, deretter skriv du inn kvalifikasjonane dine.

Positive og negative sider ved jobben:
Er det kort eller lang reisetid, bra eller dårleg lønn, heiltid eller deltid, ungt og hektisk miljø eller byråkrati, teamarbeid eller sjølvstendig arbeid? Skriv inn dine eigne vurderingar. Ta med personlege eigenskapar som arbeidsgjevar ynskjer, og vurder om desse er positive eller negative for deg.

Kvalifikasjonar:
Du skal no samanlikne jobben mot din eigen CV. Skriv inn dei kvalifikasjonane som utfyller må-krava først, deretter gjere du det same med bør-krava. Vurder òg arbeidsoppgåvene, kanskje er det noko du har jobba med tidlegare?

Etter å ha analysert den, veit du meir om jobben er noko for deg. Du vil ha funne ut om du har ein reell moglegheit for å få jobben, eller om det er betre å konsentrere seg om andre jobbar. Dersom stillingsannonsen og CV-en passar godt saman, kan du berre sette i gang med å søke. I søknaden må du hugse å legge vekt på dei erfaringane og kvalifikasjonane som passar til jobben. Ikkje trekk fram alt du har gjort, det står i CV-en. Dersom det ikkje er eit fullstendig samsvar mellom stillingsannonsen og CV-en må du vurdere kva du skal gjere. Har du erfarinagr som kan kompensere for manglande krav? Kanskje du har lang erfaring med den aktuelle arbeidsoppgåva utan at du har formell utdanning innan feltet.

Stillingsanalysen gir deg eit bilete av om jobben er noko du kunne tenke deg, eller om den ikkje passar for deg. Det er du som må avgjere om du skal søke på jobben eller ikkje, men du vil ha eit betre grunnlag til å kunne skreddersy søknaden til stillingsannonsen dersom du gjere ein stillingsanalyse. Du vil òg vere betre rusta til eit eventuelt intervju.

Det kan vere lurt å ringje arbeidsgjevar. Skriv opp aktuelle og relevante spørsmål før du ringjer. Hugs at dersom du spør om ting som er sjølvklart, eller tydeleg forklart i stillingsannonsen, kan du etterlate deg eit negativt inntrykk. Du bør òg lese på bedrifta si nettside, dersom den har nettside, før du ringjer.

Publisert: 08.08.09
Oppdatert: 17.03.10
Utskriftsvennlig versjon

Del med en venn:

Studentenes informasjonsTorg (SiT)

SiT er universitetets informasjonstjeneste for studenter.

Åpningstidene er mandag til fredag fra kl. 10.00-14.00

Telefontid:
Sommertid (15. mai - 14. september) 08:00 - 15:00.
Vinterstid (15. september - 14. mai ) 08.00-15.45.

Vi er bl.a. behjelpelig med:
- Semesterregistrering
- Eksamensoppmelding
- Studiehåndboka
- Studieveiledning
- Veiledning i utenlandsstudier
- Karriereveiledning

- Andre spørsmål og svar
E-post: sit@umb.no
Telefon: 64 96 61 00
Telefaks: 64 96 60 21

Relasjoner til saken

Mer informasjon:
- Karriereveiledning
- CV
- Søknaden
- Intervjuet
- Stillingsannonser