Stillingsannonser

SIT

Stillingsannonser er ein vanleg måte å tiltrekke seg kandidatar til ledige stillingar. Dette gjeld både rekrutteringsfirma og bedrifter.

Kun 40 prosent av stillingane som blir besatt blir lyst ut gjennom offisielle kanalar. Dei gjennverande 60 prosent blir gjort kjent på anna vis. Veldig mange stillingar blir kun gjort kjent via interne nettverk, heimesider, stillingsbasar på nettet eller ved at ein person sjølv tar kontakt med ei bedrift. Stillingane når dermed aldri fram til dei opne kanalane. Mange blir nok overraska over at godt over halvparten av stillingane blir fullsatt på denne måten. Alle stillingar innan statleg og offentleg verksemd skal lysast ut, og det vil derfor vere overvekt av desse stillingane i media.

Korleis lese ei stillingsannonse på mest mogleg effektiv måte?
Sjå på alle annonser med kritiske auge, og les dei grundig. Les annonsa fleire gangar, slik at du er sikker på at du forstår kva som står i den. Det står mykje mellom linjene. Mange bedrifter slurver når annonsa blir utforma, og erfaringsmessig opplever vi at få svarar på dei spørsmåla som søkjarane er opptatt av. Utforminga av ei stillingsannonse bør vere sånn at den skapar nyfikne hos den som søkjer. Den bør også bidra til å gje forutsetnadane for å søkje stillinga. Det er uhyre viktig å lese annonsa godt, også det som står øverst om verksemda. Stillingsannonsa seier òg noko om korleis du bør forme søknaden. Legg merke til språkformuleringane. Det er stor forskjell på formuleringar som "må ha", "bør ha", "det er ein fordel med",og "det er nødvendig med", ynskjeleg og fortrinnsvis.

Tre sentrale spørsmål som du bør stille deg:

1. Kva står i annonsa? (Eksempel på stillingsannonse)
Sjå etter kva som står i annonsa. Det kan vere lurt å lese stillingsannonser du ikkje umiddelbart er interessert i. På denne måten kan du lære mykje om ulike typar bedrifter og organisasjonar. Stillingsannonsa er ein av fleire metodar bedriftene brukar til å marknadsføre seg.

2. Kva står mellom linjene i annonsa, dvs korleis tolkar du det som står i annonsa?
Ikkje avskriv ei stillingsannonse på grunn av overskrifta. Ikkje alle titlar er karakteriserande for innhaldet i stillinga. Det er viktig å vere oppmerksam på at kvalifikasjonskrava ofte verkar større enn dei er i realiteten.

3. Kva treng du å vite som ikkje står i annonsa?
Dersom du ynskjer meir informasjon enn annonsa gir, er det eit fint utgangspunkt for å kontakte arbeidsgjevar. Det er viktig å vise interesse, engasjement og motivasjon. Dersom du ringjer bør du ha forberedt deg på kva du vil spørje om, ikkje ring berre for å ringje. Det vil bli oppfatta som støy.

Publisert: 08.09.05
Oppdatert: 17.03.10
Utskriftsvennlig versjon

Del med en venn:

Studentenes informasjonsTorg (SiT)

SiT er universitetets informasjonstjeneste for studenter.

Åpningstidene er mandag til fredag fra kl. 10.00-14.00

Telefontid:
Sommertid (15. mai - 14. september) 08:00 - 15:00.
Vinterstid (15. september - 14. mai ) 08.00-15.45.

Vi er bl.a. behjelpelig med:
- Semesterregistrering
- Eksamensoppmelding
- Studiehåndboka
- Studieveiledning
- Veiledning i utenlandsstudier
- Karriereveiledning

- Andre spørsmål og svar
E-post: sit@umb.no
Telefon: 64 96 61 00
Telefaks: 64 96 60 21

Relasjoner til saken

Mer informasjon:
- Karriereveiledning
- CV
- Stillingsanalyse
- Intervjuet
- Søknaden